ରାଞ୍ଚି: IND Vs SA ODI Cricket ‘କର’ ବା ‘ମର’ ରାଞ୍ଚି ଦିନିକିଆରେ ଈଶାନ କିଶନ (Ishan Kishan) ଙ୍କ ଧୂଆଁଧାର ବ୍ୟାଟିଂ ବଳରେ ଭାରତ, ଦକ୍ଷିଣ ଆଫ୍ରିକା (IND Vs SA ODI) କୁ ୭ ୱିକେଟ୍ରେ ପରାସ୍ତ କରି ଶିଖର ଧାୱନଙ୍କ ଦଳ ୩ ମ୍ୟାଚ୍ ଶୃଙ୍ଖଳାକୁ ୧-୧ ସ୍ତରକୁ ନେଇଆସି ସିରିଜ ବରାବର କରିଛି।
ଟିମ୍ ଇଣ୍ଡିଆ ପାଇଁ ଏହି ମ୍ୟାଚ୍ ଅତ୍ୟନ୍ତ ଗୁରୁତ୍ଵପୂର୍ଣ୍ଣ ଥିଲା, କାରଣ ଯଦି ଟିମ୍ ଇଣ୍ଡିଆ ଏହି ମ୍ୟାଚ୍ ହାରିଥାନ୍ତା ତେବେ ଏହା ମଧ୍ୟ ସିରିଜ୍ ହରାଇଥାନ୍ତା। ବର୍ତ୍ତମାନ ଟିମ୍ ଇଣ୍ଡିଆ ଏହି ମ୍ୟାଚ୍ ଜିତି ସିରିଜରେ ରହିଛି। ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକାର ଦଳ ୭ ୱିକେଟ୍ ହରାଇ ଏକ ଭଲ ସ୍କୋର ୨୭୮ ରନ୍ କରିବାରେ ସଫଳ ହୋଇଥିଲା। ଏହାର ଜବାବରେ ଟିମ୍ ଇଣ୍ଡିଆ ୪୫.୫ ଓଭରରେ ୩ ୱିକେଟ୍ ହରାଇ ୨୮୨ ରନ୍ ସ୍କୋର କରି ମ୍ୟାଚ୍ ଜିତିଥିଲା। ଭାରତୀୟ ଦଳ ପାଇଁ ଶ୍ରେୟସ୍ ଆୟର ସର୍ବାଧିକ ରନ୍ (୧୧୩*) ସଂଗ୍ରହ କରିଥିବାବେଳେ ଈଶାନ କିଶନ (୯୩) ରନ୍ ସଂଗ୍ରହ କରିଥିଲେ।
ପୂର୍ବରୁ ମହମ୍ମଦ ସିରାଜ ପ୍ରଶଂସନୀୟ ବୋଲିଂ (୧୦-୧-୩୮-୩) କରିଥିଲେ। ସେହିପରି ଭ୍ରମଣକାରୀ ଦଳ ଦକ୍ଷିଣ ଆଫ୍ରିକା ପକ୍ଷରୁ ରିଜା ହେଣ୍ଡ୍ରିକ୍ସ (୭୪) ଏବଂ ଏଦେନ ମାରକ୍ରମ (୭୯)ଙ୍କ ମଧ୍ୟରେ ୧୨୯ ରନ୍ ଭାଗୀଦାରି ହୋଇ ଦକ୍ଷିଣ ଆଫ୍ରିକା ୨୭୮ ରନ୍ ସଂଗ୍ରହ କରିଥିଲା। ଜବାବରେ ଈଶାନ-ଆୟରଙ୍କ ବ୍ୟାଟିଂ କାରଣରୁ ଭାରତ ୪୫.୫ ଓଭରରେ ୩ ୱିକେଟ୍ ହରାଇ ବିଜୟ ଲକ୍ଷ୍ୟରେ ପହଞ୍ଚିଯାଇଥିଲା।
ଟିମ୍ ଇଣ୍ଡିଆରୁ ବ୍ୟାଟିଂ କରିବାକୁ ଶିଖର ଧାୱନ ଏବଂ ଶୁଭମାନ ଗିଲ ଆସିଥିଲେ। ଓପନର ଶିଖର ଧାୱନ ୧୩ ରନ୍ ସ୍କୋର କରିବା ପରେ ଦଳ ଭାରତ ଭଲ ଆରମ୍ଭ କରିନଥିଲା। ଦ୍ୱିତୀୟ ଓପନର୍ ଶୁବମାନ ଗିଲ ୨୬ ବଲରୁ ୨୮ରନ୍ ସଂଗ୍ରହ କରିଥିଲେ। ତିନି ନମ୍ବରରେ ବ୍ୟାଟିଂ କରିବାକୁ ଆସିଥିବା ଇଶାନ କିଶନ ଆଜି ଭଲ ବ୍ୟାଟିଂ କରିଛନ୍ତି। ଇଶାନ କିଶନ ୮୪ ବଲରୁ ୯୩ ରନ ସଂଗ୍ରହ କରିଥିଲେ। ଇଶାନ କିଶନ ତାଙ୍କ ଇନିଂସରେ ୪ ଚୌକା ଓ ୭ ଛକା ମାରିଥିଲେ। ସିରାଜଙ୍କୁ ଗେମ୍ ଚେଞ୍ଜର୍ ଅଫ୍ ଦ ମ୍ୟାଚ୍ ପୁରସ୍କାର ମିଳିଥିଲା। ଆୟରଙ୍କୁ ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା।
Read Also :
- Lathikata Tehsildar Vigilance Arrest: ଗାଡ଼ିରୁ ୫ ଲକ୍ଷ ନଗଦ ଜବତ
- Valid Vehicle Insurance Check in Odisha: ଓଡ଼ିଶାରେ ବୈଧ ମୋଟର ଯାନ ବୀମା ଯାଞ୍ଚ କଡ଼ାକଡ଼ି, କଟିବ ଚାଲାଣ
- Odisha Textbook Error: ପାଠ୍ୟପୁସ୍ତକ ତ୍ରୁଟି ନେଇ ସରକାରଙ୍କ କଠୋର ଆଭିମୁଖ୍ୟ, ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ
- 12th International Day of Yoga: ଓଡ଼ିଶାରେ ସପ୍ତାହବ୍ୟାପୀ ଯୋଗ ମହୋତ୍ସବର ଶୁଭାରମ୍ଭ
- Raja Parba: ଓଡ଼ିଆ ଅସ୍ମିତା, ନାରୀ ସମ୍ମାନ ଓ ସାଂସ୍କୃତିକ ଐତିହ୍ୟର ମହାପର୍ବ
[amazon_auto_links id=”9932″]
